Cabecera contenido seccion noticias

Eduki publikatzailea

null 21_0133 Mungian atxilotu dute gazte bati sabelaldean labanaz eraso egiteagatik

Mungian atxilotu dute gazte bati sabelaldean labanaz eraso egiteagatik

Servicio de prensa

2021-02-20

Ertzainek 19 urteko gazte bat atxilotu dute gaur arratsalde-gauean Mungian, arma zuriz lesioak eragitea leporatuta. Arrastatu duten gazteak ustez labana batekin lesioak eragin dizkio sabelaldean beste gazte bati, eta Gurutzetako ospitalera eraman dute larri zaurituta.

Erasoa arratsaldeko zortziak eta hogeita bost aldera gertatu da Mungiako aparkaleku batean, eta Ertzaintzak ikerketa jarri du abian xehetasun guztiak argitzeko.

Oraindik argitu ez diren arrazoiak tarteko, bi gazteak eztabaidan hasi dira eta, azkenean, batek labanaz eraso egin dio besteari sabelaldean. Ondoren, erasotzaileak alde egin du.

Ertzaintzari erasotzailearen deskribapena eman diote, eta handik laster aurkitu du patruila batek inguruko kale batean. Agenteek berehala identifikatu eta atxilotu dute 19 urteko gaztea, arma zuriz lesioak eragitea leporatuta.

Bestalde, biktima zerbitzu medikoek egonkortu dute, eta, ondoren, Gurutzetako ospitalera eraman dute larri zaurituta Osakidetzaren anbulantzia batean.